Produtu no servisu hotu tenke iha satisfasaun ba fin ne’ebé destina no hatan ba konsumidór sira nia lejítima espetativa. Fornesedór tenke garante ninia di’ak no funsionamentu di’ak ba bein sira ne’ebé adkiri tiha ona, pelu menus durante tinan 1 ba beins movel sira no tinan 5 ba bein imovel sira.
Direitu ba prevensaun no reparasaun danu sira
Iha períodu garantia produtu nian, hahú hosi uzu normál, tenke repara gratuitamente ba defeitu sira ne’ebé iha. Karik produtu sira ne’e labele atu halo reparasaun konsumidór ida direitu hodi simu fali produtu ida ne’ebé hanesan ka ekivalente ka fó-fila (devolução) ba valór ne’ebé maka selu tiha ona.
Direitu ba protesaun interese ekonómiku sira
kosumidór sira la obriga atu simu ka halo tuir kontratu sira ne’ebé kláuzula abuziva, ka kontratu hirak ne’ebé la kaer-metin (assegura) ekilíbriu-justu iha direitu no obrigasaun hosi parte rua. Relasaun entre fornesedór no konsumidór sira tenke iha igualdade material, lealdade no boa-fé. Ezemplu hanesan, konsumidór sira la obriga atu selu bein/servisu ne’ebé la solisita.
Direitu ba protessaun hasoru publisidade bosok-ten no abuziva
Konsumidór sira iha direitu atu hetan informasaun ne’ebé loloos konabá buat ne’ebé atu hola/kompra. Labele iha sala/erro iha publisidade ne’ebé dalaruma la iha verdade, omite ka taka informasaun ne’ebé ezajera ka duvidozu konabá karakterístika sira ka folin bein no servsu nian.
Direitu ba protesaun jurídika
Direitu no lejítmu interese konsumidór sira nian ne’e defende tiha ona iha lei ba defeza direitu no interese ne’ebé lei ida ne’e proteje sei admite asaun hotu-hotu be adekuada ba ninia tutela.
Direitu ba partisipasaun, hosi dalan reprezentativan
Konsumidór sira iha direitu atu reprezenta liu-hosi asosiasaun konsumidór sira nian, ida ne’ebé tenke rona hanesan matéria lejislasaun nian, direitu ba antena no aprezentasaun keixa no denúnsia sira.
Direitu ba formasaun no edukasaun ba konsumu
Konsumidór sira tenke simu formasaun no informasaun hosi Estadu no organizasaun sosiedade sivil nian atu nune’e konsumidór sira bele iha informasaun liu, konsiente no ativu iha defeza ba sira nia direitu.
