Tane Konsumidor

(+670) 3310938
cac@tanekonsumidor.tl

TANE HALO SORUMUTU HO FONTIL HODI HARE KONSUMIDÓR NIA SITUASAUN IHA CERCA SANITÁRIA

TANE defende tau prioridade ba servisu Públiku Essensiál sira hanesan We-moos, Eletrisidade no Telekomunikasaun.

Dili. FONGTIL – organizasaun não governamentál ne’ebé halibur ONGs lokál sira, nasionál no internasionál iha Timor-Leste, organiza sorumutuk virtuál ida iha loron Mundiál ba Direitu Konsumidór nian, 15 marsu, atu haksesuk kestaun rua importante iha sidadaun Timor oan sira nia moris daudaun ne’e: Cerca Sanitária no servisu públika essensiál sira.

Sa papel Estadu nian iha protesaun ba sidadaun sira kbiit-la’ek durante Cerca Sanitária? Iha pergunta ne’e, TANE hatan sempre iha perspektiva konsumidór sira nian, reforsa ezijénsia ba Governu tenki foti medida sira ne’ebé kontempla/hatuur iha prestasaun ba servisu públiku essensiál sira, hanesan kazu asesu ba we-moos, subsídiu ba suporta kustu eletrisidade nian no hatun tarifa ba telekomunikasaun sira nian.

Iha períudu dahuluk ba Estadu emerzéncia nasionál, iha abril 2020, TANE fó hanoin tiha ona ba problema ne’ebé denúnsia hosi konsumidór sira mai asosiasaun konabá servisu públiku essensiál sira, liuliu konabá kualidade iha prestasaun ba servisu.

Revindikasaun sira aprezenta daudaun hosi FONGTIL inklui ezijénsia sira TANE ninian, ne’ebé bele rezumu hanesan tuir mai ne:

We-moos

asesu ba servisu ida ne’e, komesa tun iha Díli. Fó hanoin fali katak asesu ida ne’e hanesan Direitu Universál konsumidór sira nian, Estadu maka tenki salvaguarda direitu ida ne’e

Enerzia eletrika

kualidade ba prestasaun servisu públiku enerzia nian hanesan urjénsia boot liu no importante liu ba konsumidór Timor oan. To’o daudaun ne’e, TANE revindika hahú kedas iha nia kriasaun iha 2018, melloria ba servisu ida ne’e no mos aprezenta ona proposta ba EDTL,EP konabá nesessidade atu selebra kontratu ba prestasaun servisu atu garante direitu konsumidór nian. Asosiasaun entrega mos ba Prezidente Parlamentu Nasionál karta revindikasaun konabá medida lezislativa.

Servisu sira ba telekomunikasaun nian

Prestasaun ba servisu ida ne’e sai preokupasaun ba TANE hahú tinan 3 nia laran, sai espesiál atensaun durante Estadu emerjénsia nasionál iha 2020. TANE hafoun fila-fali nia revindikasaun sira konabá folin tarifa sira iha períudu Cerca Sanitária iha Díli, Baucau no Viqueque.