Tane Konsumidor

(+670) 3310938
cac@tanekonsumidor.tl

TANE NINIA KONSISTÉNSIA BA DEFEZA SERVISU PÚBLIKU ESENSIÁL SIRA LIU-LIU TELEKOMUNIKASAUN

Dezde krize pandemia covid-19 ne’e hahu, TANE defende hela de’it direitu konsumidór nian hodi asesu ba servisu públiku esensiál sira, liu-liu ba servisu telekomunikasaun. Ami nia asosiasaun revindika atu kumpri direitu konsumidór sira nian iha area ida ne’e ba entidade ofisiál sira, hanesan Autoridade Nasional ba Komunikasaun Sosial Timor-Leste nian.

Dezde estadu emerjénsia hahu, TANE preukupa kedas wainhira la hatama telekomunikasaun iha apoiu ba populasaun sira, TANE defende inportánsia telekomunikasaun nian liu-liu servisu internet, tamba populasaun maioria halo servisu liu hosi teletrabalho ( liu hosi online) no mos estudante sira ne’ebé hela iha uma. Ami ijiji ba empreza sira ne’ebé presta servisu sira ne’e atu fó kualidade servisu diak liu, ami revindika ba Governu atu fó servisu internet gratuita ba estudante sira atu sira bele frekuenta sira nia estudu liu hosi vídeo konferénsia.

Iha semana sira ikus ne’e, konsumidór sira hatudu sira ninia preukupasaun ba operador internet tolu iha Timor-Leste. Reklamasaun sira refere liu asesu ba internet ne’ebé la’o neineik liu, TANE reforsa liu tan sira nia revindikasaun sira hotu, defende interese konsumidór timoroan sira hotu iha situasaun pandemia nia laran, tamba ho situasaun ida ne’e halo sira sai kbiit laek liu tan.