Tane Konsumidor

(+670) 3310938
cac@tanekonsumidor.tl

APREZENTASAUN REJULTADU PESKIZA KONA BA FOLIN SASAN

    FONGTIL (Fórum organização não governamental Timor-Leste) konvida TANE para aprejenta rejultadu housi ninia peskija kona ba folin sasan sira, iha Sexta feira liu ba (11.06.2021). iha biban ida ne’e, TANE hatudu ba konsumidor sira hotu, loja sira ne’ebé maka faan sasan sira be selesionado iha peskiza ne’e ho folin baratu liu. Fo hanoin fali katak Fongtil iha ninia membro liu 300, nasional no internasional, sira halao kna’ar ida importante tebes hodi kontrola no fó advokasia ba Governo iha implementasaun programa sira Governo nian.

    Iha aprezentasaun ne’e marka prejensa reprejentante sira housi Governu ho sosiedade civil, hanesan Autoridade de Inspecção e Fiscalização das Actividades Económicas Sanitária e Alimentar (AIFAESA), Direcção Nacional de Regulação Comercial e Protecção do Consumidor (DNRCPC), Organização Não Governamental sira no mos Jornalistas sira. participante sira agradese tebes ba TANE tamba halo peskiza ida ne’e, no balun sujere para iha peskiza tuir mai halo deit ba folin marka sira housi produtu ida. Exemplo peskiza ba folin marka sira housi foz ne’ebé faan iha Timor-Leste(Nasi wangi, folson, globus, lafaek nss).

    Parte hotu housi Governo ka sosiedade Sivil rekonhese katak iha aumentu ba folin sasan dezde Estadu emerjensia hahu. Entidade relevante sira hanesan AIFAESA no DNRCPC foti medidas , maibe sei iha problema kona ba partilha informasaun entre instituisaun sira no rezolusaun final ba prosesu sira. Buat ida ne’ebé maka kontribui mos ba folin sae maka kontrolu ba produtu importadu sira housi distribuidor balun wainhira sasan sira tama mai Timor-Leste.