Tane Konsumidor

(+670) 3310938
cac@tanekonsumidor.tl

REKLAMASAUN FULAN MAIU NIAN:
TAKA FOLIN BA SASAN NE’E FUNDAMENTÁL HODI HALO KOMPRA KONSIENTE

TANE, liu hosi ninia Centro de Apoio ao Consumidor – CAC, simu fila-fila relatu hosi konsumidór sira ne’ebé maka iha konfuzaun ho dúvida sira iha momentu atu halo sira ninia kompra iha loja barak iha Díli laran, tan, la taka folin ba sasan sira ne’ebé maka fa’an iha loja. Maske ida ne’e hanesan direitu ba informasaun, nem konsumidór hotu-hotu gosta atu husu sasan nia folin ba fa’an-na’in sira, barak liu maka nonok no ba selu de’it “ba buat ne’ebé maka sira presiza”. Inezisténsia ba folin iha produtu sira hamosu difikuldade ne’ebé reál iha momentu atu halo kompra no impede atu konsumidór halo sira ninia estimativa orsamentál..

Tan siik tiha ona katak, ida ne’e inklui obrigasaun ba afixasaun ba folin iha produtu no servisu sira ho forma loloos no momoos no direitu ba konsumidór sira ba informasaun prévia konabá folin.

Liahusuk ne’ebé atu hatan: será que iha Timor-Leste fa’an-na’in sira ba produtu no bein sira pratika afixasaun ba folin ne’ebé loos? Lae, hanesan resposta!

Aleinde denúnsia hirak ne’ebé rejistra ona iha TANE, ami nia ekipe halo ona observasaun ida iha terenu durante levantamentu ba folin ba iha “cabaz de ptodutos” (Hare iha Anexo NI-Cabaz-de-Precos-Natal ). Tan ne’e, tuir mai ami husik hela konsellu importante balun ba konsumidór sira:
• Folin sira tenke taka iha osan dolár-amerikanu, labele taka iha moeda entranjeira hanesan: Rupiah Indonézia nian.
• Folin tenke no sempre posível taka ba produtu ho forma vizivel. Ezemplu hanesan, etiketa ho folin labele iha surat-tahan kiik ne’ebé hakerek ho liman ho taka subar fali iha kazako nia bolsu laran.
• Folin tenke inekívoku, ka konsumidór tenke kompreende ho fasil ba kustu totál ba produtu ho unidade/kilo/metru, no iha karik iha deskontu ne’ebé aplika.

• Karik iha servisu ka restaurante sira tenke iha lista ba folin ka ementa disponível hodi konsulta iha entrada molok halo pedidu ruma.
• Produtu sira ne’ebé tau iha vitrine, prateleira, montra no suporte ba expozisaun sira seluk tenke taka mos folin, se la iha produtu ne’e rasik entaun bele iha produtu nia sorin, no sempre ho forma vizível.

Tan ne’e, tuir mai ami husik hela konsellu importante balun ba konsumidór sira:
• Folin sira tenke taka iha osan dolár-amerikanu, labele taka iha moeda entranjeira hanesan: Rupiah Indonézia nian.
• Folin tenke no sempre posível taka ba produtu ho forma vizivel. Ezemplu hanesan, etiketa ho folin labele iha surat-tahan kiik ne’ebé hakerek ho liman ho taka subar fali iha kazako nia bolsu laran.
• Folin tenke inekívoku, ka konsumidór tenke kompreende ho fasil ba kustu totál ba produtu ho unidade/kilo/metru, no iha karik iha deskontu ne’ebé aplika.

• Karik iha servisu ka restaurante sira tenke iha lista ba folin ka ementa disponível hodi konsulta iha entrada molok halo pedidu ruma.
• Produtu sira ne’ebé tau iha vitrine, prateleira, montra no suporte ba expozisaun sira seluk tenke taka mos folin, se la iha produtu ne’e rasik entaun bele iha produtu nia sorin, no sempre ho forma vizível.

Aleinde denúnsia hirak ne’ebé rejistra ona iha TANE, ami nia ekipe halo ona observasaun ida iha terenu durante levantamentu ba folin ba iha “cabaz de ptodutos”: hare iha Anexo Campanha da TANE ) Lé no fahe iha ita nia rede-sosiál sira. Ajuda ami hodi hakbiit konsumidór sira iha Timor-Leste, hola parte ba ita nia papel nuudar sidadania iha konstrusaun ba defeza Estadu demokrátiku Timor-Leste nian.
Hamutuk ita forte liu tan!
Hamutuk, ita garante konsumu ida ne’ebé ekilibradu, sustentável no justu liu iha Timor-Leste.

Estimadu konsumidór, hafoin lé tiha artigu ida ne’e, saida maka ita halo iha kompra oin mai se la hetan presu iha produtu sira? Kontata ami. TANE ajuda imi hodi defende imi nia direitu no interese sira.

Hakerek mai ami cac@tanekonsumidor.tl no partisipa iha ami nia pájina Facebook https://www.facebook.com/TaneKonsumidor, ho like, halo komentáriu no fahe tutan.