Tane Konsumidor

(+670) 3310938
cac@tanekonsumidor.tl

TANE PROPOEN EDUKASAUN BA KONSUMU IHA LANSAMENTU DIÁLOGU NASIONAL KONA BA SISTEMA AIHAN

Díli, 14 Jullu 2021. Asosiasaun TANE Konsumidor partisipa iha lansamentu Diálogu Nasional Kona kona ba’a Sistema Aihan, ne’ebé halao iha salaun City 8, iha loron 13.07.2021. Eventu ida ne’e organija housi Gabinete Apoio ba Sociedade Civil iha Gabinete Primeiro-Ministro nian, ho kolaborasaun housi Programa Nutrisaun Ministériu Saúde Nian, no hetan apoiu United Nations Food System Summit 2021, UNICEF no FAO. Ministériu Saúde assume mos papel hanesan ponto focal ba SUN movement, ne’ebé Timor-Leste hanesan membro ativu. Partisipa iha diálogu ne’e instituisaun sira Governu nian hanesan Ministériu Saúde, Ministériu da Agricultura e Pescas no Ministério dos Negócios Estrangeiros e Cooperação. Eventu ne’e konta hó partisipasaun maka’as sosiedade civil nian.

Objetivu prinsipal housi diálogu nasional ne’e maka atu rona hanoin sira housi instituisaun sira relevante no mos sociedade Sivil, kona ba’a kestaun 5 ne’ebé esensial relasionadu ho Sistema aihan no konbate ba mánutrisauniha iha Timor-Leste, maka: Produsaun, Transporte ho armajenamentu, Prosesamentu, Distribuisaun no ikus liu Konsumu. Rezultadu diálogu ida ne’e sei liu ba konsellu Ministru no representante Timor-Leste nian sei lori ba partisipa iha pré-cimeira United Nations Food System Summit 2021, ne’ebé sei halao iha Roma, Itália, iha loron 26-28 Fulan Jullu 2021, no iha Assembleia Geral das Nações Unidas iha inísiu Fulan Outubru Tinan ne’e.

Iha eventu ne’e TANE fó nia kontributu iha área defeza ba konsumidor, aborda oin sa relasaun kualidade hó folin no defende mos edukasaun no informasaun ba konsumidor sira bele sai konsumidor ne’ebé informadu no konsiente ba aihan sira maka atu konsome, hodi bele kontribui ba konbate mánutrisaun iha Timor-Leste. kona ba’a folin TANE sujere hasae produsaun nasional no hatun folin, fó ezemplu hanesan foz. Daudaun ne’e konsumidor sira maioria iha asesu ba sasan sira importadu (mai housi rai liur), ne’ebé maka subsidiadu, tamba folin asesivel liu no reflete iha poder de kompra konsumidor sira nian. Hare peskiza ba folin iha 1º trimestre - Abril de 2021 (CABAZ BA BENS CONSUMO NIAN RECOLHA FOLIN – 1º TRIMESTRE 2021, FULAN ABRIL – Tane Konsumidor).
Anexo 1 - Tabela Comparativa de Preços

Iha diálogu Nasional ne’e TANE la husik liu oportunidade atu reafirma nia pozisaun ka nia papel hanesan implementador ba Lei nº8/2016 Lei fó pretesaun ba Konsumidor. Argumenta katak nesesariu konsumidor sira hatene sira nia direitu hanesan konsumidor. Iha servisu ba sosializasaun ne’ebé TANE halao, nota katak ema barak maka seidauk hatene Lei ida ne’e no urjenti halao servisu sosializasaun ba konsumidor sira iha Timor-Leste.