Tane Konsumidor

(+670) 3310938
cac@tanekonsumidor.tl

KONSUMU LOKAL

konsumidor sira hili atu hola produtu rai laran ka regional ne’e bele sai hanesan eskolha diak ida? Iha artigu ida ne’e ita reflecte konabá saida maka konsumo localmente no ninia importansia ba konsumu sustentavel, no mos konabá difikuldade no desafiu sira hosi konsumu lokal iha Timor-Leste. sempre ke bele, konsumidór tenki tau atensaun ba impaktu sosial, ekonomiku no ambiental sira wainhira hola sasan ruma, liu-liu iha proveniência no sirkuitu transporte nia, sasan kimiku sira no konversante, embalajen sira, liu-liu plastiku, no mos tipu empreza ne’ebé hola sasan ba. Ita nia eskolla sira hotu bele kontribui ba atu reduz poluisaun no desperdisiu alimentar no atu fortalese economia ida ne’ebé justu no sustentavel.

 

Konsumu local katak aktu ida ne’ebé buka hola deit maka produtu local sira ka negosiu kiik oan sira iha rejiaun ne’ebé konsumidor hela ba. Eskolla ida ne’e permiti reduz kadeia trasporte nian, distribuisaun, no intermediariu sira, reduz pegada ambiental,aumenta kualidade produtu sira nian hanesan produtu fresku sira, no kria relasaun konfiansa no proximidade entre konsumidor no produtor sira. Bele habadak ba integrasaun ba produsaun, distribuisaun no konsumu fortalese ekonomia no relasaun sosial.

Dala barak hili atu konsumu produtu rai laran ligadu ho eskolla ida hola sasan ne’ebé privelijia utiliza materia prima nasional no até prosessu fabrika ne’ebé amigu ba ambiente. Ne’e klaru tebes, iha konsumu produtu local fresku sira ne’e katak produtu ne’ebé iha ho epoka (musim), baratu liu no ho prosesu kuda ne’ebé la dun intensivu.

Konsumu local mos kontribui ba dinamiza ekonomia local no nasional, liu hosi kriasaun rikeza no kapasidade ba investimento, aumenta rekolla impostu no hasae empregu. Importansia husi produsaun nasional no konsumu lokal ba Timor-Leste klaru tebes no integra iha Plano Estratégico do Desenvolvimento de 2021-2030, ne’ebé defende katak “ nesesariu sektor agricultura ne’ebé makaas para hamenus kiak, no garante seguransa aihan no promove kresimentu ekonomiku iha zona rural sira no en geral iha nasaun tomak. Sektor agricultura ne’ebé iha kresimentu, serve mos atu promove dezenvolvimentu rural.”

Maibe, konsumu lokal la sempre fasil no asessivel. Primeiru tamba, dala barak rejiaun sira laiha kapasidade atu produz produtu sira ne’ebé maka konsumidór buka. Ida fali maka konsumu produtu lokal sira bele representa folin ne’ebé aas nune’e konsumidór barak maka la konsege hola, tamba prosesu fabrika sira ladun industrial, ou tamba, empreza kiik oan laiha kapasidade hodi investe ou tamba kualidade aas liu.

Tamba ne’e, mezmu ke TANE defende konsumu lokal ne’ebé sustentavel, presija mos rekonhese katak oferta la asesivel ba Timor ona barak, kuantidade disponível mos la sufisiante. Tamba ne’e tenki aumenta produsaun lokal para estimula prokura ho oferta ida ne’ebé competitiva liu. Enkuadra iha objetivu dezenvolvimentu nasaun nian , importa atu Governu halibur esforsu atu incentiva produtor nasional sira hodi aumenta sira nia produtividade, liu husi, apoiu hanesan ( formasaun , loja sira, canal distribuisaun sira) ho/ka liu husi subsidiu ba produsaun. Ida ne’e aplika especialmente ba produtu aihan sira, ne’ebé maka Timor-Leste presija hakat husi agricultura subsistência ba agricultura ida ne’ebé orienta ba merkadu.

Durante pandemia covid-19 ne’ebé lori kriji ba saude publika no hapara economia. Governu halo programa rekuperasaun ekonomika ida hodi hare ba medidas oin-oin maka hanesan “Cesta básica” ho objetivu rua. Ida maka fornese aihan atu hakmaan família sira ne’ebé iha difikuldade no fasilita Timor oan asesu ba produtu sira durante konfinamentu, ho preferensia ba produtu local. Iha sorin seluk incentiva produtores sira atu hasae sira nia produsaun hodi nune’e bele compete ho produtu sira mai hosi liur (importadu). Iha perpectiva TANE nian realidade oin seluk, tamba iha rekolla folin ba sasan sira nian iha fulan Abril, hatudu aumentu folin jeneralizadu ba sasan sira primeira necessidade nian, ne’ebé prejjudika tebes konsumidor sira.

Mezmu nune’e TANE hakarak fó atensaun ba ejistensia produsaun local ba aihan sira ne’ebé konsumidór sira bele hola iha merkadu tradicional sira, loja kiik no loja sira agriikultor nian ne’ebe maka governo apoiu atu fasilita distribuisaun no asesu ba aihan fresku nasional nian.