Tane Konsumidor

(+670) 3310938
cac@tanekonsumidor.tl

TANE SELEBRA LORON INTERNASIONAL ASESU UNIVERSAL BA INFORMASAUN

28 de setembro de 2021

Iha Asembleia Geral Nasoens Unidas ninia selebrasaun aniversariu ba 74 iha 2019, defini katak, loron 28 setembru nudar loron Internasional Asesu Universal ba Informasaun. Direitu ida ne’e, konsagra ona iha Objetivu Dezenvolvimentu Sustentavel no 16 iha Agenda 2030 Nasoens Unidas ba Dezenvolvimentu Sustentável ne’ebé atu “ asegura asesu públiku ba informasaun no proteje liberdade fundamental sira”.

Hanesan estado direitu demokratiku Timor-Leste defende ninia sidadaun sira sem eskluzaun ba iha garantia direitos sira ne’ebé konsagra ona iha Konstituisaun no iha Deklarasaun Universal Direitu Humanu sira nian.

Direitu ba informasaun ne’e luan no fundamental tebes iha ohin loron ne’e. sociedade actual ne’e digital liu tan, nune’e permiti atu informasaun to’o fasil no lalais ba konsumidor sira . Maibe, informasaun la’os sempre lolos barak maka fake news barak maka sirkula no tau risku baa moris diak ita nia komunidade nian.
Direitu ba informasaun la’os refere deit asesu ba informasaun, maibé ba mos ejistensia fonte sira ne’ebé dignu no bele fiar ka kredive, orgaun komunikasaun livre, literasia digital ba sidadaun sira no kapasidade atu deskodifika ho komprende konteudu sira.
TANE nian misaun bo’ot ida maka informa ba konsumidor Timor oan sira konabá sira nia direitu no ajuda sira atu hola sasan ho diak liu tan. Tamba ne’e TANE halo komemorasaun ba Loron Internasional ida ne’e, fó hanoin fali importansia husi informasaun iha área defesa konsumidór nian.

Atu asegura direitu ida ne’e, TANE halao ona asaun barak ba ajente merkadu sira, liu-liu ba vendedor no prestador servisu, hanesan informasaun kona ba garantia, transparensia, no folin ne’ebé lolos, ho mos konabá rotulajen (label) sasan sira nian ka realizasaun kontratu ba servisu prestadu.
Ami halo sesaun informativa barak ba publiku, inkluidu iha Universidade, iha sentru komersial sira no ba komersiante sira. tamba ami hakarak to’o ba ema hotu, ami aposta iha kampanha divulgasaun, vídeo no artigu sira iha ami nia pajina internet (https://tanekonsumidor.tl) no iha rede sosial sira (Facebook, Twitter e YouTube).

Atu iha relasaun konsumu ne’ebé saudável, TANE defende katak, konsumidor sira tenki hatene didi’ak sira nia direitu no responsabilidade iha relasau konsumu no iha asesu ba informasaun lolos no kredivel.
TANE ejiji ba fornesedor bens no servisu sira, ho mos ba Estadu, atu kumpri sira nia deveres iha kumprimentu direitu ba informasaun no edukasaun ba konsumu. papel Estadu nian ne’e epesial tebes atu asegura iha eskola sira no meiu komunikasaun sosial sira tau atensaun ba asuntu sira ne’e.

Ho deit informasaun no partisipasau ita bele garante katak merkadu sai transparente no sosiedade ne’ebé justa no harmonioza. Hamutuk, konsumidor sira sai forte liu tan

Hare ami nia Video no fahe tutan!