Tane Konsumidor

(+670) 3310938
cac@tanekonsumidor.tl

TANE KOALIA HO KONSUMIDÓR NO VENDEDÓR SIRA IHA MERKADO MANLEUANA

 

Direito konsumidórne’e hare konabá relasaun jurídica entre konsumidórho fornecedor (vendedór) bens no servisu sira, iha relasaun ba konsumu hola no faan. Direito konsumidórassegura protesaun, taransparensia, segurança, no kualidade ba konsumidór ben no servisu sira.

TANE hakarak atu konsumidór sira konhese diak sira nia direitu, hodi bele sai konsiente liu tan no iha responsabilidade, liu husi aktividade sosializasaun iha espasu públiku, ba konsumidór sira iha Timor-Leste.

ha loron 16 semana kotuk, TANE retoma fila fali aktividade sosializasaun “TANE sai á Rua” ne’ebé maka suspende hela tamba Covid-19, iha merkadu Manleuana. Ita bele dehan katak aktividade ba dala ida ne’e hetan susesu bo’ot ida tan, tamba consumidór no vendedór sira iha interesse atu hatene liu tan konabá sira nia direitu no saída maka TANE halo hodi defende consumidór sira. TANE manan liu tan relevância no rekonhesimentu husi consumidór sira.

Durante distribuisaun panfletu sira ho fó hanoin ba konsumidór sira konaba TANE no konsumidór sira nia direitu, ami mos simu sujestaun barak no rona mos preukupasaun konsumidór sira nian, hodi ejiji produto importadu sira tenki iha kualidade nebe as.

Preukupasaun da ne’ebé konsumidórsira manifesta maka kontrolu ba kualidade produto sira nebe disponível iha merkadu. Ne’ebé dura lalais deit, tamba avaria ou tamba estraga fasil los ka at lalais deit no ba hotu lisu, halo konsumidórsira hodi hola foun fali no gasta osan barak liu tan. Hanesan konsumidórida tenik ”ita la repara, mas ita nia ambiente sofre tebes ho produto sira nee”

Konsumidór feto ida fali afirma katak “ hau hola kadeira ida, liu loron rua deit at tia. Hau ba koalia ho vendedór atu troka ho seluk ne’ebé hanesan, maibe, nia rekuja. Mas afinal hau iha direitu! Hahu ohin se akontese fali dala ida problema iha consumo hau sei kontaktu ba TANE”. Ba ida ne’e maka TANE iha, atu apoiu konsumidór sira wainhira sira nia problema la rejolve.

Iha lokoraik ne’e TANE fahe 200 brosuras ba konsumidór no vendedór sira iha merkadu maleuana no mos halo esklaresimentu kona ba duvida sira ne’ebé konsumidór sira iha. Ami sei sai ba dalan iha tempo badak.
Mai hamutuk ho ami !