Tane Konsumidor

(+670) 3310938
cac@tanekonsumidor.tl

PRESIDENTE TANE KONSUMIDOR HETAN FIAR LIDERA KONSELLU TÉKNIKU TARIFARIU ANAS,I.P. NIAN

Liu husi surumutu husi membru konsellu Tékniku no Tarifária husi Autoridade Nacional Água e Saneamento (ANAS) Instituto Público (IP), ne´ebe halao iha loron kuarta,27.10.2021,tuku 10:30 oras Timor-Leste. Surumutu ho ajenda sira mak hanesan hili prezidente kaer Konsellu Tékniku no Tarifaria. Aprova ho unanimidade husi membru sira hodi hili Prezidente TANE Konsumidor, António Ramos da Silva, hanesan prezidente. Ajenda seluk mak, apresenta resumu konaba Dekretu Lei Nº.38 tinan 2020,loron 23 fulan Setembro, konaba harii ANAS,I.P. ho ninia estatuto, mos apresenta konaba Dekretu Lei Nº 40 tinan 2020,loron 25 fulan Setembru, konaba harii Bee Timor-Leste, Empressa Pública (EP) no ninia estatuto.

Estabelese Konsellu Tékniku no Tarifária, mai atu enkuadra iha orgaun social sira ANAS,I.P. nian, iha ne atribui kompetensia ba Konsellu Administrasaun hodi estabele konsellu tékniku no tarifária, nudar orgaun konsultivu ad hoc, ne´ebé tuir artigu 19º husi estatuto, harii liu husi diliberasaun Konsellu Administrasaun. Konsellu Tékniku no Tarifária, orgaun ho natureza konsultivu no ninia finalidade unika mak elabora no entrega pareser la vinkulativu ho ninia objetu sira mak kestaun tarifária, téknika no regulamentasaun ne´ebé relasiona ho prestasaun servisu husi ANAS,I.P. nian iha setor servisu ba Bee n saneamentu.

Komposisaun ba konsellu tékniku no tarifária kompostu husi membru sira hanesan tuir mai ne´e:
01. Presidente TANE Consumidor-António Ramos da Silva;
02. Diretor Executivo da FONGTIL- Senhor Daniel Santos do Carmo;
03. Coordenador da Plataforma Nacional de Timor-Leste, BESI-Senhor Koko Valim;
04. Reitor do Instituto de Negócios de Timor-Leste (IOB)-Senhor Pedro Ximenes;
05. Segundo Vice Presidente da Bee Timor-Leste, Empressa Pública-Senhora Elizabeth Amaral;
06. Cordenador Júridico da BTL,I.P.-Senhor Jose Luis da Costa;
07. Diretor Geral da Descentralização Administrativa, Ministério da Administração Estatal- Senhor Belarmino Filomeno Neves.

Surumutu konsellu tékniku no tarifária, tuir mai, sei halao iha loron 11.11.2021, ho ajenda sira maka: aprejentasaun konabá draft/esbosu diploma ministerial hodi estabelese tarifária ba Bee consumo nian.