Tane Konsumidor

(+670) 3310938
cac@tanekonsumidor.tl

KAJU SUSESU IDA TAN: TANE AJUDA KONSUMIDÓR HO LOJA FÓ FILA FALI MEJA IDA HANESAN

Hanesan baibain, tama iha Centro apoiu ba konsumidór TANE nian, reklamasaun ida konabá meja ne’ebé maka konsumidór hola, no liu tiha fulan ida nia parte leten nakfera tiha. Motivu halo reklamasaun maka, meja ne desde hola la uja. Nune’e mos kuandu hola meja ne’e loja la fó garantia.

Kaju ida ne’e kontra Lei Nº 8 Lei fó Protesaun ba Konsumidór iha nia artigu 7 ho artigu 15. Fundamente iha Lei TANE halo kontaktu ba loja, tuir prosedimentu sira no loja fó fali meja foun ida ne’ebé hanesan ho ida aat.

Husu ba konsumidór sira katak vale duni halo reklamasaun, tamba TANE bele rezolve imi nia problema. Ho ita nia reklamasaun bele ajuda atu la akontese fali ba konsumidór sira seluk no fornesedór ba servisu ho ben sira bele halo diak liu tan sira nia atendimentu ba konsumidór.