Tane Konsumidor

(+670) 3310938
cac@tanekonsumidor.tl

Direitu fundamentál ba asesu bee-moos hanesan servisu ho natureza públiku esensiál.

Rekalamasaun fulan fevereiru

Foin daudauk, TANE simu denúnsia hosi família tolunulo-resin iha área Becora – Díli nian, ne’ebé maka ezije kumprimentu ba sira nia direitu ba asesu bee-moos, tan sira la asesa ba servisu esensiál ida ne’e semana rua liu.

Prestasaun servisu fornesimentu bee-mos ba konsumidór hanesan servisu públiku esensiál, tan servisu ne’e hanesan rekursu esensiál ida ba moris ema hotu nian.
TANE konsiente katak fornesimentu ba bee-moos importante tebes-tebes ba konsumidór sira, nune’e mos, defende atu empreza fornesedora sira tenke presta abastesimentu ida ne’ebé maka halo tuir ba regra sira ne’ebé maka hatuur ona iha “Prinsípiu ba Servisu Universál nian - PSU”: asesibilidade, kontinuidade, kualidade, seguransa, protesaun ba ambiente, protesaun ba konsumidór sira, transparénsia iha finansiamentu.

Iha sorin seluk, ami nia asosiasaun mos husu atu inklui selebrasaun kontratu hamutuk ho instalasaun ba prestasaun servisu bee-moos, iha ne’ebé hatuur direitu no dever sira hosi parte rua nian. Hafoin selebra kontratu konsesaun ba servisu públiku ba abastesimentu bee-moos (liu hosi kanu ka pipa) assume obrigasaun hodi asegura asesu ba ema hotu-hotu, liuliu ba bein esensiál dignidade ema-moris nian.

Nune’e, TANE konsidera katak, empreza fornesedora ba servisu públiku kontratadu iha obrigasaun tomak hodi hatan ba danu sira ne’ebé maka kauza hosi kualidade la di’ak iha prestasaun ba servisu ne’e rasik ka ba falta prestasaun ne’e rasik.

Ami fó hanoin mos ba empreza fornesedora atu obrigadu fornese servisu bee-moos ho dalan adekuadu, efisiente, seguru no kontínua, maka hanesan la iha interupsaun ruma, independentemente ba motivu avizu préviu.

Reklama! Se ita hasoru ho situasaun hanesan ka iha dúvida sira. Sura mos ho apoiu TANE nian hodi defende imi ninia direitu no interese sira.

Vizita ami nia site www.tanekonsumidor.tl, hakerek mai ami liu hosi cac@tanekonsumidor.tl no partisipa iha ami nia pájina Facebook https://www.facebook.com/TaneKonsumidor, ho like sira, komentáriu no partilla sira!