Tane Konsumidor

(+670) 3310938
cac@tanekonsumidor.tl

Marsu: fulan ida ne’ebé TANE halao aktividade barak ba konsumidór sira

Marsu fulan ida espesial ba konsumidór sira. Loron 15 maka loron Mundial Direitu Konsumidór nian no iha mundo tomak asosiasaun ba konsumidór sira selebra loron ne’e. TANE mos iha Timor-Leste, realiza aktividades sira atu halo defeza ba konsumidór. Destaque ba servisu informasaun no kapasitasaun ba estudante sira ka joven konsumidór, autoridade local no komunidade, liu husi kolaborasaun ho parseiru sosial sira.

LORON MUNDIAL DIREITU KONSUMIDÓR NIAN – 15 Março

Atu selebra ho konsumidór Timor oan sira Loron Mundial Direito Konsumidór Sira nian, TANE ho Sr. Embaixador U.E. nian, Andrew Jacobs, partisipa iha Programa Café Dader, hodi debate ba importansia husi servisu TANE nian, tamba defeza ba direitu konsumidór sira nian hanesan kontributu pozitivu ida ba demokrasia no cidadania, maibe mos atu fortalese merkadu. Destaka mos projetu “Empoderar e Capacitar os Konsumidóres em Timor-Leste”, ne’ebé konta ho apoiu husi União Europeia, projetu ida be daudaun ne’e hetan rezultadu diak liu husi asaun edukasaun ba konsumidór sira no prepara lobby ba autoridade sira.

SEMINÁRIO IHA IOB - INSTITUTE OF BUSINESS

Liu husi parseria entre TANE ho IOB - Instituto of Business de Díli, iha loron 16 realiza seminário ba estudante universitariu sira husi instituisaun ne’e, konabá “Direitu konsumidór sira nian iha perspetiva relasaun ekonomika sira nian”.
Objetivu husi iniciativa ida ne’e maka divulga ba futuru profissional no empresário sira direitu konsumu nian atu konhese sira nia direitu no dever konsumidór sira nian atu sira bele reklama nudar konsumidór no respeitu hanesan ajente merkadu nian.
Marka prezensa iha seminário ne’e Senhor Embaixador da União Europeia em Timor-Leste, Andrews Jacobs, ne’ebé partilha nia esperansa iha futuru diak wainhira hare ba joven estudante sira mak prezente iha eventu ne’e. Afirma katak “Hare imi iha ne’e hau hetan futuru enjinheiru, informatiku, gestor economista, contabilista no profesional sira iha área turizmu, no hu iha esperansa katak imi sai husi ne’e hanesan rekursu humanu sira maka iha kualidade ”.
Seminário hotu, TANE fahe panfletu konabá direitu konsumidór iha resintu IOB nian, nune’e kumpri nia misaun ba estudante sira ne’e.

AKTIVIDADE IHA MANUFAHI

Loron 22, TANE ba Munisipiu Manufahi atu fó konhese direitu konsumidór nian. Realiza sesaun hamutuk ho Autoridade Nacional de Comunicações (ANC) Timor-Leste nian, hotu tia partisipa mos iha talkshow iha Rádio Comunidade Dom Boaventura, bele hare iha ne’e )
KOLABORASAUN REGULAR HO RADIU SIRA

Iha âmbito protokolu sira ne’ebé estabelesidu ona ho radiu sira, TANE kontinua informa kona ba direitu konsumidór sira nian, divulga no alerta ba problema prinsipal sira iha relasaun konsumu nian ne’ebé TANE iha no partilha konsellu sira konabá oin sa hola sasan sasan ho diak no oin nusa atu reklama. Konsumidór sira bele tuir programa sira ne’e fulan-fulan, fo sai husi rádio sira tuir mai ne’e:

• Rádio Comunidade Tokodede FM,92.3 Mhz
• Rádio Comunidade Lian Matebian FM, 99.9 Mhz
• Rádio Comunidade Comoro FM, 94.1 Mhz
• Rádio Comunidade Café Ermera FM, 92.3 Mhz
• Rádio Comunidade Maubisse Mau-Loko FM, 89.7 Mhz
• Rádio Comunidade Lian Tatamailau FM, 98.1.Mhz
• Rádio Comunidade Don Boa Vintura 1912 FM, 95.1 Mhz
• Rádio Comunidade Rai Husar FM, 97.1 Mhz
• Rádio Unital FM, 96.4 Mhz

TANE fiar katak konsumidór ne’ebé esklaresidu liu no hetan apoiu maka sidadaun ne’ebé interventivu no preparadu. Mai hamutuk ho ami nia asosiasaun. Sai asosiadu ba TANE!