Tane Konsumidor

(+670) 3310938
cac@tanekonsumidor.tl

TANE LANSA NINIA BULETIN DAHULUK

TANE mai aprezenta ninia buletin dahuluk ba consumidor Timor oan sira. Buletin ida ne’e produz iha âmbito projecto Empoderar e Capacitar os Consumidores em Timor-Leste (ECCTL).

Buletin ida ne’e konpostu husi pájina 8 ne’ebé maka koalia konabá direitu consumidor sira nian ih Timor-Leste. Aprezenta mos papel TANE Konsumidor nian, rezultadu husi peskiza sira ne’ebé maka TANE halo konabá komisaun bankaria sira, foti folin ba produto necessidade bázika iha loja sira Díli laran, no ikus liu esplika forma oin sa Konsumidor sira bele halo reklamasaun ida.

Bele hare buletin

iha ne’e

Ami iha epektativa katak buletin ida ne’e bele ajuda konsumidor sira hatene liu tan sira nia direitu no komprende diak liu tan saída maka sei halo hodi defende sira ninia direitu. Ami hein mos katak ho buletin ida ne’e, consumidor sira bele sai hatene liu tan informasaun sira. Hodi nune’e wainhira konsumidor sira senti katak sira nia direitu ema viola, hatene ona oin sa halo reklamasaun ou aprezenta keisa ka denunsia sira ba TANE.

Mai hamutuk ho TANE hanesan asosiadu, atu proteje diak liu tan ita nia direitusira! Hamutuk ita kontribui ba relasaun konsumu ida justu liu tan no ekilibradu, ida ne’ebé hotu-hotu senti satisfeitu.