Tane Konsumidor

(+670) 3310938
cac@tanekonsumidor.tl

TANE REVINDIKA no KONSUMIDOR sira MANAN ONA: SUBSIDIU SELEKTIVU SAI ONA REALIDADE.

Publika Iha 19 Abril Dekretu Lei ida nee’ebé maka konkretiza revindikasaun TANE Konsumidor nian, konabá atribuisaun subsidiu ba operador transporte públiku sira, operador transporte aéreo no maritima nasional sira no adquirente konbustivel ba actividade agrikula no peska nian. A asosiasaun hein katak ho medidaida ne’e sei alivia dificuldade ne’ebé maka konsumidor Timor oan sira iha período krize mundial ida ne’e.

Ho konflitu entre Ukrania no Rusia, folin petróleo iha merkadu internasional sae makas no naturalmente afekta mos merkadu nacional no vida konsumidor sira nian. TANE defende direito konsumidor timor oan sira nian, hodi ejiji ona ba Governo atu atribui subsidio ba operador transporte públiku sira, hodi garante sidadaun sira nin deslokasaun loron-loron, liu-liu estudante no trabalhador sira. Apoiu finanseiru ida ne’e mos fó ba produtor agrikula no peskador sira.

Ho ida ne’e Vice Ministro Comercio e Industria konvida TANE atu apresenta no diskuti medida sira ne’ebé possível hodi hamenus impaktu husi folin konbustivel ne’ebé maka sae maka’as iha konsumidor sira nia moris loron-loron. TANE defende atu subsidiu selektivu maka sai solusaun, aplika deit iha tempu badak liu husi aprova rezolusaun ida husi Conselho Ministro.

Deckretu ida ne’e TANE konsidera katak sei alivia konsekuensia hosi mina ida folin sae maka’as los ne’e no hein katak konsumidor sira bele sente diak uituan ho medida sira ne’e.

TANE, autoridade oficial ho Konsumidor sira, luta atu iha situasaun krize daudaun ne’e direitu konsumidor sira nian sempre hetan garantia no protesaun liu husi estabilidade ekonomia nacional.