Tane Konsumidor

(+670) 3310938
cac@tanekonsumidor.tl

DECO hasae tan rekonhesimentu husi entidade públika no konsumidor sira ba iha TANE

Iha fulan Maio 2022 ekipa ida husi DECO nian ne’ebé maka komposta husi Presidente, Luís Silveira Rodrigues, Diretora Geral, Ana Tapadinhas, Coordenadora Departamento Formação no Educação, Fernanda Santos ho Gestora Projeto nian, Celina Santos, mai Timor-Leste hodi kumpri buat ne’ebé previstu tiha ona iha projeto Empoderar e Capacitar os Konsumidóres em Timor-Leste (ECCTL). Durante iha Timor-Leste, DECO ho TANE halao sorumutuk ho entidade relevante barak, hanesan, Presidente da Assembleia Nacional, Ministro da Presidência do Conselho de Ministros, Ministro Turismo comercio Industria , Entidade Reguladora sira no Assosiasaun Sektorial sira.

DECO fó ona apoiu bo’ot tebes ba TANE, iha âmbito ba projetu Empoderar e Capacitar os Konsumidóres em Timor-Leste (ECCTL), ne’ebé maka hetan finansiamentu husi União Europeia. Hanesan presidente DECO nian Luís Silveira Rodrigues hateten iha biban oin-oin “ DECO halo tiha ona servisu hodi fó kapasitasaun no formasaun ba TANE no hetan ona rekonhesimentu aas tebes husi konsumidor no entidade públika sira iha Timor-Leste, tamba, halao ona trabalho ne’ebé maka ema nota duni iha defeza ba direitu konsumidor sira nian”.

Prezensa husi DECO nian iha Timor-Leste, permite rekoñese diak liu tan servisu no desafiu sira maka TANE enfrente hela no sira ne’ebé maka sei hetan iha futuru wainhira projetu ECCTL hotu. Iha sorumutuk barak maka, membro husi Governu rekoñese no hatudu interesse bo’ot atu apoiu TANE hodi bele kumpri nia misaun fó protesaun ba konsumidor sira no ajuda atu rejolve problema sira kona-bá konsumu iha Timor-Leste, hodi nune’e kontribui ba demokrasia ida justa, inkluziva no madura.

DECO nia prejensa hanesan mos oportunidade atu fahe esperiensia nudar asosiasaun mak fó protesaun ba direitu konsumidor sira nian iha Portugal, DECO defende katak maske ezisti ona Lei hodi fó protesaun ba konsumidór ne’ebé kompleta tebes iha Timor-Leste, maibe importante atu Lei ne’e implemente ho diak. Hanesan Diretora Geral DECO nian, Ana Tapadinhas tenik “ ba implementasaun efectiva, tenki eziste regulamentasaun no tenki existe aplikasaun ba multa/koima, ho nune’e maka signifika Lei ne’e em kumpri duni