Tane Konsumidor

(+670) 3310938
cac@tanekonsumidor.tl

TANE ninia peskiza: Afixa duni folin sira ka lae?

TANE foin dadaun halo peskiza ida kona-bá afixasaun folin iha produto no servisu sira ne’ebé maka faan iha loja sira. Iniciativa ida ne’e, halao husi TANE nia ekipa iha Timor Plaza, importância husi afixasaun ka taun folin iha sasan sira ba consumidor sira atu desidi ka hili produto sira ho informsaun klean no esklaresidu kona-bá produto be sira hola. So hatene folin produto ka servisu maka consumidor bele desidi saída maka atu hola. Bel le iha artigu ida ne’e rejultadu ne’ebé ami hetan.

Atu ajuda defende direitu consumidor sira nian, TANE desidi halo estudu ida kona-bá kumprimentu lejislasaun ba afixasaun folin iha Timor-Leste. Objectivo husi estudu ida ne’e maka atu garante katak bem no servisu sira be faan cumpri tomak Lei ba protesaun consumidor sira nian.

Ho ida ne’e, TANE hili abordajen ida, vizita ka dezloka ba loja sira hodi permiti iha parte ida, koalia ho komersiante sira no sensibiliza sira ba iportansia husi afixa ka tau folin iha sasan sira lolos, wainhira iha inkumprimentu k ala ho tuir ou iha duvida sira, no iha fali parte seluk, halo rejistu ba observasaun ba loja sira no tipu husi produto sira, oinsa sinaliza área savi sira maka presija investe iha informasaun no/ka fiskalizasaun.

Faze dahuluk husi estudu ida ne’e halao iha loron 27 fulan Juñu no alvu maka estabelesimentu komersial sira iha Sentru Komersial Timor Plaza. Iha peskiza ida ne’e TANE consumidor verifika katak operador ekonomiku sira hotu be iha Timor Plaza kumpri Lei no bem no servisu sira hotu, loja nain tau folin ka afixa, tuir Lei.

Iha total TANE vijita loja 26 ne’ebé maka faan sasan no servisu oin-oin, hahu husi restaurante no kafe sira ho banku no loja estetika, liu husi supermerkadu, loja moda nian no asesoris sira ka faan ekipamentu elektroniku no servisu telekomunikasaun .

Ami fó hatene, vendedor sira ninia obrigasaun maka tau folin iha sasan sira ka afixasaun folin iha produto sira, hodi nune’e consumidor sira iha Timor-Leste bele avalia no halo konparasaun rasik iha kualker momento, diferença husi folin maka pratika husi estabelesimentu komersial sira. No kada vez importante liu, além husi kualidade produto no servisu sira, iha mos atendimentu diak no informasaun lolos no disponível.

Fundamental tebes ba consumidor sira hatene katak komunikasaun klaru no antecipada kona-bá folin maka decisiva tebes atu garante relasaun entre consumidor no komersiante sai justu no equilibrada.

Hakerek tia regra ba afixasaun folin sira tuir mai ne’e atu assegura imi nia direitu ema respeita no la hetan bosok:

a) Folin produto sira nian tenki afixa ka taka direta ba produto nia lolon. Wainhira la possível, folin tenki tau iha produto nia sorin ( por ijemplu Daun suku roupa).
b) Ba servisu sira, tabele ba folin tenki diponivel iha fatin prestasaun servisu nian no iha fotin ne’ebé ema bele hare fasil, por ijemplu iha entrada ka balkaun atendimentu.
c) Taka folin ka fixasaun folin ne’e obrigatoriu mos ba produto sira iha vetrina, prateleiras, montras no suporte sira seluk ba expozisaun.
d) Folin sira tenki hakerek ho forma momos ka klaru, bele lee ho diak, no ema bele hare ho diak mos – labele riskadu ka foer; letra tenki tamaño razoável, tenki ih adijitu ka numeru
e) Konsumidor sira tenki bele hetan folin sira la ho ajuda husi komersiante
f) Folin tenku espesifika kustu total husi produto husi unidade ka medida( litru, kiloka metru) wanhira aplicável.
g) Folin tenki koresponde ho valor total ne’ebé maka suporta husi consumidor, inklui taxa sira no imposto ne’ebé aplicável.
h) Se iha deskontu, possibilidade ba kreditu ka kustu adicional ( hanesan entrega, transporteka montajen) tenki indika lolos ka klaru informasaun sira ne’e
i) Folin sira tenki afixa iha moeda nacional (dólar amerikanu) no laos iha moeda estranjeiru (hanesan rupiah indonesia)
j) se taka folin oin-oin, sei aplika deit maka folin ida kiik liu no favoravel liu ba konsumidor sira.

Ami fiar katak tau folin lolos (afixa ho lolos) maka consumidor sira nia interesse, no mos vendedor sira nian, hanesan sinónimo husi kualidade, tarasparensia no konfiansa. TANE hakarak kontinua servisu hamutuk ho komersiante sira, verifika situasaun lolos, fó hanoin no sensibiliza ba buat sira ne’ebé maka presija koriji no wainhira nesesariu denunsia kaju sira grave hodi viola interesse consumidor sira nian.

Consumidor ida informadu sei hili diak liu no operador sira ne’ebé fahe informasaun sei promove merkadu ida diak liu tan.

Se iha duvida ka insatisfasaun ruma, kontaktu mai TANE. Bele vizita ami, telefone mai, manda email ka mensajen liu husi Facebook

TANE Konsumidor
Travessa Vila Verde - Aldeia Gideon Suko Vila Verde - Díli
cac@tanekonsumidor.tl
(+670) 3310938
https://www.facebook.com/TaneKonsumidor