DILIMART OFERESE KABAS ALIMENTAR BARATU LIU

TANE kontinua ajuda konsumidór sira atu hetan folin ne’ebé maka kiik liu iha merkadu. Iha Agosto, cabaz baratu liu ho folin $56,20 no karun liu ho folin $72,35. Tendensia generalizada husi folin aumenta hanesan nafatin ho Abril, iha ne’ebé cabaz varia entre $47,06 ho $66,60.

Kona-bá estudo

Cabaz ai-han ne’e konpostu husi produto 21 ne’ebé maka iklui foz,fariña husi trigu, naan, ikan, (naan manu, konbongn salsisa, naan fahi ho naan karau) masin midar, manteiga, mina, susu bem rahun, manu tolun, ai fuan( masan ho sabraka), modo tahan(fehuk roupa,senoura, tomate) no bebida sira alkolika no laoos alkolika(cola, sumu ho gás, sumu la ho gás, serveja).

Rekolla folin ne’e halao iha loja 21 iha loron 22 to’o 26 fulan Agustu Rekolla ida ne’e halao dezde 2020 no TANE ninia objetivu maka atu ajuda konsumidór sira hodi hatene iha ne’ebé maka bele hetan produto sira baratun liu atu nune’e bele halo planu diak liu wainhira atu hola sasan no bele hili ho lolos.

DIlimart oferese cabaz Ai-han baratu liu

Iha fulan Agustu, Dilimart (Bidau Licidere ) maka oferese cabaz folin baratu liu - $56,20. Cabaz ne’ebé karun liu maka iha Family First (Hudi Laran), atinji folin $72,35 ba produtu Ai-han ne’ebé maka hanesan. Diferença maka $16,15 hare ba kbiit atu hola sasan husi Timor oan sira signikativa tebes.

Importa fo hanoin katak folin husi cabaz ne’e valor global. Importante atu hatene folin husi produto sira ida idak ka ketak ketak, tamba bele hetan folin kiik liu. Por ijemplu foz (20kg) baratu liu iha Leader (Comoro) - $13,50; iha Grasa shop (Comoro) maka folin kiik liu ba nan manu - $2,50/kg; nan karau folin kiik liu iha Phoenix 368 (Akait) $6, ba masan no farinha husi trigu baratun liu iha Seara (Central) $1/kg ba produto rua ne’e.

Folin sira be aumenta

Husi produtu sira hotu maka analiza, 12 maka folin sae ne’ebé maka bele too ba 45%, hanesan sabraka ($1,45). Hanesan mos naan manu ($2,5), kombong ($1,70), masin midar ($0,85) no mina ($4,25) sira maka entre produto sira be aumentu as liu 20% dezde estudu ikus iha fulan Abril 2022.

Hili lolos

Importante tebes atu konsumidór hetan informasaun didiak no halo komparasaun ba folin husi produto sira hodi halo kompras. Ho tabela ba folin sira husi TANE ita bo’ot sira bele poupa barak liu tan duke $16,15. Antes de fazer as compras para o seu agregado familiar é importante fazer uma lista de compras em casa, de acordo com as suas necessidades (aproveitando para planear as refeições da semana), escolher o estabelecimento mais adequado, comparar os preços, ler rótulos, verificar os prazos de validade e estar atento às promoções.

Molok hola sasan ba ita nia família importante halo lista ida atubhola sasan iha uma, tuir ho ita nia nesisidade sira (aproveita hodi planeia ai-han ba semana nian) hili loja ka estabelesimentu ne’ebé maka adekuadu, kopara folin sira, le rotulu ka label, verifika praju validade no hare didiak promosaun sira.

ho modu ida ne’e bele evita hola sasan barak liu no combate ba desperdisiu ai-han sira ne’ebé maka bele sai at liu tan. Tenki tau atensaun ba data validade husi produto sira ai-han nian ne’ebé maka iha prommosaun, bele sai hanesan oportunidade atu poupa iha ita nia karteira,mas labele husik liu liu prazu ida ne’e.

TANE defende konsumidór sira

TANE halao knaar hodi informa ho apoiu konsumidór sira, tamba ne’e se iha duvida kona-bá imi nia direitu, se la satisfeitu wainhira hola sasan ruma ka hakarak eklaresimentu ruma ba kestaun ne’ebé maka iha ligasaun ho konsumu, koalia mai ami.

Ami iha Centro Atendimento do Consumidor(CAC) ne’ebé maka fo apoiu grátis liu husi email, telefone no k amai iha ami nia sede. (TABELA FOLIN).