Fó hanoin fali katak TANE realiza ona konferensia iha loron 26 fulan Maio tinan ida ne’e, ho tema “os direitos dos consumidores um desafio em Timor-Leste”, ne’ebé mak hetan susesu bo’ot. Ba dala ida ne’e, parseria ho ADECO (associação Portuguesa de Defesa do Consumidor), INFORDEPE (Instituto Nacional de Formação de Docentes e Profissionais da Educação) no Escola Portuguesa Rui Cinatti Díli hamutuk halao formasaun ba professor sira ho tema “A educação do Consumidor nas Escolas: um contributo para cidadania.
Formasaun loron tolu ba professor sira ne’ebé maka halao iha loron 17 ho 18 fulan Outubro iha INFORDEPE no loron 20.10.2022 iha Escola Portuguesa Rui Cinatti.
Ita bele dehan katak formasaun ida ne’e hetan suseso bo’ot, tamba participante sira interesse tebes atu hatene klean kona ba asuntu ne’ebé maka formador sira fó.
Formador sira mos profissional tebes iha aprezentasaun no aktividade sira ne’ebé maka halao durante formasaun, ita bele destaka trabalhu do grupu no ezersisiu sira ne’ebé maka professores sira halao no sira nia interesse ho vontade atu aplika método ho matéria sira ne’ebé maka sira aprende iha sira idak-idak nia eskola ba alunus sira.
DECO ho TANE mos halao sorumtuk ho instituisaun relevante sira para hato’o kaderno revindikativa ne’ebé maka konsta medida lejislativa balun no koalia mos kona-bá TANE nia servisu no sustentabilidade TANE nian.