Associação Tane Consumidor asina akordu subvensaun públika ho Ministerio Turismo Comercio e Industria hodi bele hametin koperasaun servisu ente TANE ho MTCI kona-ba defende direitu konsumidór sira nian iha Timor-Leste. Asina akordu ne’e realiza iha Salaun MTCI, Sexta-feira, 05/05/2023.
Iha biban ida ne’e Ministo Turismo Coméçio e Industia Dr. José Lucas do Carmo da Silva hatete asina akordu ne’e maske simbolikamente maibé ida ne’e marka seriedade polítika ne’ebé governu hamutuk ho paseiru.
“Ohin ita sei iha asina akordu maske simbolikamente maibé ida ne’e marka seriedade polítika ne’ebé governu hamutuk ho paseiru, oinsá atu asegura kooperasaun ho forsa atu bele sai parseiru ida ne’ebé servisu hamutuk ho komunidade proteje komunidade ninia direitus konsumidór nian iha konstituisaun artigu 115 e nune’e mós iha artigu 53 kona-ba sidadaun ida-idak nia direitu”.
Aleinde ne’e Prezidente Asosiasaun Tane Konsumidór António Ramos da Silva akresenta tan katak iha serimonia ne’e atu konkretiza de’it asaun sira ne’ebé Tane Konsumidór ho ministeiru rasik liuhusi diresaun Ministeiro Comérsio ne’ebé hala’o ona atividade lubuk ida.
“Serimonia ne’e la’os atu simbolika maibé atu konkretiza de’it asaun sira ne’ebé Tane halo reprezenta konsumidór atu implementa prinsípiu ne’ebé hakerek ona iha lei protesaun konsumidór aprovizionamentu iha tinan 2006” Iha fatin hanesan Nia mós salienta tan katak Tane nia misaun intervensaun sosializasaun sesaun infomativa informasaun ba konsumidór sira nomós identifika normas hirak ne’ebé presiza hodi regulariza kona-ba lei konsumidór.
“Tane harii iha tinan 2018 nia misaun intervensaun, sosializasaun sesaun informativa informasaun ba konsumidór sira no mós reprezenta konsumidór sira, iha sesaun ida ne’e Tane mós halo atividade ba defeza turismu nian nomós ajuda husi parte komisaun identifika normas hirak ne’ebé presiza hodi regulariza kona-ba lei konsumidór nian” haktuir Prezidente Asosiasaun Tane Konsumidór”.