Enerjia ka ahi hanesan nesesidade báziku ida ne’ebé importante tebes ba utilizadór sira iha era ida agora tanba, servisu no atividade hotu-hotu sei paradu bainhira liña eletrisidade mate. Nune’e husu ba fornenesedór enerjia hanesan EDTL, E.P atu garantia nafatin ba kualidade no kontinuidade iha sersivu no halo kontrolu mos ba sistema sira atu labele hetan faillansu no avaria servisu públiku esensial sira hanesan ospitál, bee-mos, no estraga mos sasán elektronika sira konsumidór nian.
Liga ba problema ida ne’ebé agora la’o hela konsumidór sira forma no dudu malu hafoin bele hetan pulsa eletrisidade maske sira sosa. Nune’e husu ba EDTL, E.P ho parseiru sira atu buka solusaun ba iha problema refere hodi rekopera lalais sistema 3E atu konsumidór sira bele sosa pulsa eletrisidade ho fásil no lalais.
- Solusaun:
• EDTL, E.P tenke iha garantia ba kualidade sistema 3E atu labele fo impaktu fali ba utilizadór enerjia sira;
• Re-avalia hikas lalais sistema atu bele fasilita konsumidór eletriku sira atu bele sosa iha fatin fa’an pulsa eletrisidade ne’ebé besik;
• Antes atu halo kontratu ho parseiru seluk tenke iha garantia mos ba servisu kualidade husi parseiru sira.
• Fó oportunidade ba setór privadu sira hodi investe iha fornesementu de enerjia eléktrika hodi bele kria konkorénsia. - Konsumidór manan:
• Kosumidór sira hetan sira-nia diretu ba asesu enerjia eletrisidade ho kualidade no kontuidade;
• Bele konsumu energia eletrisidade ho folin ne’ebé razoável.