Tane Konsumidor

(+670) 3310938
cac@tanekonsumidor.tl

SERVISU TELEKOMUNIKASAUN LA GARANTE KUALIDADE BA KONSUMIDÓR SIRA

Telekomunikasaun hanesan meiu ida ne’ebé fasilita tebes ema hodi komunika ba malu tantu ho distánsia dook no besik. Liuhusi telekomunikasaun bele tulun ita hodi hatene no halo belun di’ak ho ema ne’ebé ita lakoñese hodi sai kolega ka belun ne’ebé di’ak. No telekomunikasaun mós bele fasilita ita hodi asesu ba informasaun sira ne’ebé akontese iha ita-nia rai laran tantu rai liur. Telekomunikasaun hanesan mós servisu públiku esensial ida, tan ne’e. operador telekomunikasaun sira tenke garante kualidade, kontinuidade no transparansia hodi kontribui ba relasaun konsumu ne’ebé justu no ekilibriu.

Problema
- Problema ka preokupasaun ne’ebé konsumidór sira hasoru mak rede internet lentu ka la’o neneik liu hodi difikulta públiku ka konsumidór sira-nia servisu.
- Informasaun ne’ebé fornese ba konsumidór sira ladún klaru no kle’an.
- Atendimentu ba konsumidór nia pedidu informasaun ladi’ak husi operador telekomunikasaun sira.
Solusaun
- Solusaun hodi hatan ba rede internet maka halo survey hodi bele identifika no hatene kona-ba rede ne’ebé la’o ladún normal, nomós husu ba tékniku operadór telekomunikasaun tolu ne’ebé hala’o atividade ekonómika iha Timor-Leste hanesan Timor-telecom, Telecomsel no Telemor. Atu rezolve problema rede internet dalan úniku maka governu tenke aselera projetu kabu submarinu hodi bele garante kualidade rede internet iha Timor-Leste.
- Ezije ba operador telekomunikasaun sira atu fornese informasaun ba konsumidór sira ho klaru no loloos, bazeia ba lei nu. 8/2016, lei hodi fó protesaun ba konsumidór sira.
- Hadi’a atendimentu ba konsumidór sira-nia pedidu informasaun liuhusi liña telefone.