Dili, 12 juñu 2023 - Relasiona ho stock mina ne’ebé menus prezidente Associação Tane Consumidor António Ramos da Silva hateten, situasaun ne’e lori impaktu boot ba públiku no afeta ba servisu públiku esensiál sira hanesan servisu saúde no seluk tan.
“Espreza ka fornesedór sira la iha jestaun ne’ebé maka di’ak, tanba la hatudu planeamentu ba fornese mina ba konsumidór sira, nune’e TANE nia exijénsia maka presiza iha investigasaun ne’ebé kle’an no halo alterasaun no harmonizasaun ba Dekretu Lei No. 29 de 2011, lei kona-ba preço justo ne’ebé vigora hela ”. Dehan Prezidente Tane.
Prezidente TANE mós sujere atu halo alterasaun lei kona-ba kompeténsia ba empreza reguladora ANPM hodi halo fiskalizasaun, inspesaun no alarga estabelese folin mina ho ninia formula rasik no husu intervensaun estadu atu labele husik merkadu auto-regulariza.