APOIU BA KONSUMIDÓR

Hodi defende konsumidór sira, tan ne’e maka harii Sentru Apoiu ba Konsumidór (SAK), iha sede TANE Konsumidór ninian, hodi fahe/fó informasaun no formasaun no hodi rezolve problema konsumu sira. Asosiasaun ida ne’e atua iha área hotu-hotu konsumu ninian, husi produtu alimentár sira to’o eletrodoméstiku sira, husi telekomunikasaun sira to’o veíkulu sira husi brinkedu to’o roupa sira.

Servisu no apoiu TANE Konsumidór nian maka hanesan:

  • Informasaun konabá direitu hanesan konsumidór.

  • Esklaresimentu ba dúvidas konsumidór sira nian, molok no hafoin halo sira nia kompra.

  • Aprezentasaun reklamasaun sira hamutuk ho empreza sira hodi halo mediasaun ba konflitu konsumu sira, oinsá hodi hetan solusaun loloos (justa) ba konsumidór (rezolusaun extrajudisiál).

  • Denúnsia ba prátika ilegál no abuziva sira ba entidade reguladora sira no ba supervizaun iha seguimentu konabá keixa sira ne’ebé simu hosi konsumidór.

Halo atendimentu ho prezensiál, hosi jurista ida iha sede TANE Konsumidór, maibé liu-hosi mos telefone, e-mail no Messenger. SAK iha prioridade ba kontatu diretu ho empreza reklamada sira hodi halo rezolusaun ho lalais ba reklamasaun sira liu-husi mediasaun.

Atuasaun TANE Konsumidór nian ne’e extrajudisiál. La halo intervensaun ba konflitu sira ne’ebé maka iha ona tribunál, lahalo mos rekursu ba tribunál sira wainhira nesesáriu, la garante reprezentasaun hosi advogadu iha prosesu judisiál sira. Intervensaun TANE Konsumidór nian la suspende ka interompe ba dekursu prazu nian.

A TANE Konsumidor define a sua estratégia de intervenção junto do governo e das empresas a partir das denúncias e reclamações recebidas.

Sé maka konsumidór sira ne’ebé protejidu hosi lei defeza konsumidór nian?

Ita hotu konsumidór.

Konsumidór maka emar sira ne’ebé maka simu sasan ou servisu ba sira nia uzu no konsumu pesoál ka ba família.

Konsumidór hirak ne’e iha benefísiu hosi Lei ne’ebé proteje sira iha situasaun oin-oin, hanesan publisidade bosok, kontratu abuziva ka la iha informasaun molok hola/kompra:

  • Se konsumidór ida uza ho kuidadu frigorífiku ida no avaria iha fulan balun nia laran hafoin hola, ida ne’e ten de ser iha reparasaun la ho kustu ba konsumidór.

  • Iha kompra ba bein alimentár no sira seluk, konsumidór iha direitu hodi hatene, molok hola, folin-ikus data validade no orijem produtu nian.

  • Iha kontratu telemóvel ka internet klaran, fornesedór labele hasa’e folin, halomenus kondisaun sira ka hasa’e durasaun kontratu nian la iha konsentimentu hosi konsumidór.